Ikalimang kaso ng COVID-19 naitala sa Batanes

Nakapagtala ng panibagong kumpirmadong kaso ng COVID-19 sa lalawigan ng Batanes.

Isang 26 anyos na lalaki na dumating sa Batanes noong March 20, lulan ng PAL flight galing sa Project 6, Quezon City.

Ito ang ikalimang kaso ng COVID-19 sa Batanes.

Nasa Batanes Resort ngayon ang pasyente at naka-isolate.

Maliban sa sore throat ay wala naman itong nararanasang ibang sintomas.

Nagsagawa na rin ng contact tracing sa mga nakasalamuha ng pasyente kabilang ang mga nakasabay niya sa eroplano.