PTV-4 off air muna ngayong araw (Mar. 17); Laging Handa public briefing suspendido hanggang March 21
Sasailalim sa disinfection ang buong head office ng government television na PTV.
Sa pahayag ng People’s Television Network, ito ay para matiyak ang kapakanan at kaligtasan ng kanilang mga empleyado at staff kasunod ng tumataas na kaso ng COVID-19.
Dahil dito, ngayong araw March 17 ay off air muna ang PTV at magre-resume ng broadcast bukas, March 18 para sa lahat lamang n gnon-station produced programs.
Ang flagship programs ng network na Laging Handa public briefing at Ulat Bayan ay suspendido hanggang sa March 21.
Magbabalik sa regular na programming ang PTV sa March 22, araw ng Lunes.
Tiniyak naman ng network na magpapatuloy ang serbisyo publiko at pagbibigay ng balita at impormasyon sa pamamagitan ng kanilang Social Media pages.
