Serbisyo ng NBI, PSA, at Police Clearance magpapatuloy kahit naka-lockdown ang munisipyo ng Montalban

Magpapatuloy ang pagbibigay serbisyo ng tanggapan ng Complete Customer Hub (CCH) para sa mga nag-aaply ng NBI, PSA (𝘽𝙞𝙧𝙩𝙝/𝘿𝙚𝙖𝙩𝙝/ 𝘾𝙀𝙉𝙊𝙈𝘼𝙍) 𝙖𝙩 Police Clearance.

Sa kabila ito ng total lockdown sa Munisipyo ng Montalban hanggang March 31.

Sa abiso ng lokal na pamahalaan, bukas pa rin ang Complete Customer Hub ng NBI, PSA, at Police Clearance mula Lunes hanggang Biyernes alas 8:00 ng umaga hanggang alas 5:00 ng hapon.

Ang mga ito ay matatagpuan sa mga sumusunod na lugar:

– Montalban Sports Center (OVAL)
– Munting Ilaw Multi-Purpose Hall (KASIGLAHAN VILLAGE)

Paalala ng LGU, sumunod sa pinaiiral na minimum public health protocols sa paglabas at pag-apply ng nasabing mga serbisyo ng Lokal na Pamahalaan.