Mahigit 4,400 bagong kaso ng COVID-19 naitala ng DOH; kabuuang kaso sa bansa mahigit 631,000 na

Nakapagtala muli ng mataas na dagdag sa kaso ng COVID-19 sa bansa.

Ito ay makaraang umabot sa mahigit 4,400 ang nadagdag na bagong kaso ng sakit.

Sa inilabas na datos ng Department of Health (DOH) alas 4:00 ng hapon ngayong Martes (March 16), umabot na sa 631,320 ang kabuuang bilang ng kaso ng COVID-19 sa bansa.

Sa magdamag, umabot sa 4,437 ang dagdag na mga kaso.

Sa kabuuang bilang ng COVID-19 cases, 560,736 ang gumaling o katumbas ng 88.8 percent makaraang makapagtala pa ng dagdag na 166 na gumaling.

57,736 naman ang active cases o katumbas ng 9.1 percent.

Habang nakapagtala pa ng dagdag na 11 pang pumanaw sa sakit.

12,848 ang kabuuang death toll sa bansa o 2.04 percent.