TRB walang utos na isara ang Skyway Stage 3
Itinanggi ng Toll Regulatory Board (TRB) na naglabas ito ng desisyon o direktiba para ipatupad ang indefinite closure sa Skyway Stage 3 simula alas 5:00 ng hapon ngayong martes, March 16.
Ayon sa inilabas na pahayag ng TRB, ang pasya nito ay panatilihing bukas ang Skyway Stage 3 para sa kapakanan ng mga motorista.
Ang TRB ay binubuo ng Department of Transportation, Department of Public Works and Highways, Department of Finance, National Economic Development Authority, at kinatawan mula sa pribadong sektor.
Una nang sinabi ng pamunuan ng Skyway na ang indefinite closure sa Skyway Stage 3 ay bilang pagtalima sa direktiba ng TRB.
