5 pang Pinoy sa ibang bansa nagpositibo sa COVID-19; 2 pa ang pumanaw

Nadagdagan ng 5 pa ang bilang ng mga Pinoy sa ibang bansa na tinamaa ng COVID-19.

Sa datos mula sa Department of Foreign Affairs (DFA) araw ng Lunes, March 15, nakapagtala din ng 5 pang Pinoy na gumaling sa naturang sakit.

Sa kabuuan ayon sa DFA, 15,881 na ang bilang ng mga Pinoy abroad na tinamaan ng COVID-19.

Sa naturang bilang, 9,563 na ang gumaling habang 5,275 pa ang sumasailalim sa gamutan.

Nakapagtala naman ng dalawa pang nasawi kaya umabot na sa 1,043 ang bilang ng mga nasawing Pinoy sa ibang bansa dahil sa COVID-19.

Pinakamarami pa ring bilang ng mga Pinoy na nagpositibo sa COVID-19 ay sa Middle East / Africa na umabot sa 8,881.

Sumunod ang Asia Pacific Region na mayroong 2,966 cases.