Lockdown sa main office ng OTS pinalawig hanggang Mar. 17; isa pang empleyado nagpositibo sa COVID-19
Isasailalim sa lockdown ang main office ng Office for Transportation Security (OTS) sa CMC Building, Andrews Avenue kanto ng Aurora Boulevard, Pasay City.
Ayon sa abiso ng OTS, ang lockdown ay hanggang sa araw ng Miyerkules, March 17, 2021.
Ito ay makaraang isa pang empleyado ng OTS ang magpositibo sa COVID-19.
Noong March 11, tatlong empleyado ng OTS ang nagpositibo sa sakit.
Nagsasagawa na ng disinfection sa OTS office para matiyak ang kaligtasan ng mga empleyado at mga nagtutungo dito.
Sa March 18, araw ng Huwebes inaasahang magre-resume ang operasyon sa OTS.
