PNP chief Debold Sinas nagpositibo sa COVID-19

Kinumpirma ng Philippine National Police (PNP) na positibo sa COVID-19 si PNP chief Gen. Debold Sinas.

Ayon kay PNP spokesperson Brig. Gen. Ildebrandi Usana, lumabas ang resulta ng RT-PCR Test ni Sinas, Huwebes (March 11) ng umaga.

Bago ito, ang mga nagdaang tests ni Sinas ay negatibo ang resulta kabilang ang March 9 result.

Ayon kay Usana, asymptomatic si Sinas at maayos ang kondisyon.

Hiniling ng PNP sa mga nagkaroon ng direct contact kay Sinas na magpasailalim din sa swab test.

Habang nagpapagaling at naka-quarantine, si Lt. Gen. Guillermo Eleazar na deputy chief for administration ng PNP ang magiging OIC.