PNP isinilbi na ang warrant of arrest vs Romualdez
Sinilbihan na ng warrant of arrest ng mga otoridad si dating House Speaker at Leyte Rep. Martin Romualdez.
Ang warrant at isinilbi kay Romualdez nina DILG Secretary Jonvic Remulla, PNP Chief PGen. Jose Melencio Nartatez Jr., at CIDG Chief PMGen. Robert Alexander Morico habang nasa ospital sa San Juan City si Romualdez.
Kinumpirma ni Remulla na nasa Cardinal Santos Medical Center si Romualdez at dinala siya doon tanghali ng Lunes.
Ito ay matapos na makaranas siya ng cardiovascular event, unstable blood pressure, at anxiety attack.
Ang warrant of arrest kay Romualdez ay kaugnay ng kasong plunder na isinampa ng Ombudsman laban sa kaniya sa Sandiganbayan.
Sa ngayon sinabi ni Remulla na itinuturing nang PDL o person deprived of liberty si Romualdez. (DDC)
