DMW tiniyak ang tulong sa pamilya ng seafarer na nasawi sa drone attack sa Ukraine

Personal na nakiramay si OWWA Administrator Patricia Yvonne Caunan sa pamilya ni Jhopet Platon Nilo – ang seafarer na nasawi sa drone attack sa Ukraine.

Naiuwi na ang labi ng seafarer sa kanilang tahanan sa Sto. Tomas, Batangas.

Si Jhopet ay kabilang sa mga Pilipinong tripulante ng MV Arosa na naapektuhan ng drone attack habang nakadaong ang barko sa Port of Chornomorsk sa Odesa region noong July 13.

Nasawi si Jhopet sa insidente, habang ang siyam niyang kapwa Pilipinong marino ay nakabalik na sa Pilipinas.

Bilang aktibong miyembro ng OWWA, ang pamilya ni Jhopet ay makatatanggap ng mga benepisyo at serbisyo.

Kabilang dito ang 200,000 pesos na halaga ng accidental death benefit, 20,000 pesos na burial benefit, at 15,000 pesos na livelihood assistance.