PH bilang upper middle-income country patunay na epektibo ang economic policies ayon kay PBBM
Resulta ng apat na taong economic policies ng pamahalaan ang pagkilala sa Pilipinas bilang “Upper Middle Income” country.
Sa kaniyang mensahe sinabi ni Pangulong Ferdinand Marcos Jr. na halos apat na dekada ring nasa “lower middle income” ang bansa o simula 1987.
Binanggit ng pangulo na nag-ambag sa pagkilala ng World Bank ang economic growth, stable currency at mga repormang nagpalakas sa ekonomiya ng bansa.
Tiniyak naman ni Pangulong Marcos na patuloy ang gagawing trabaho ng gobyerno para maramdaman ng bawat mamamayang Pilipino ang ginhawa at bumuti ang pamumuhay.
Hindi aniya pwedeng nasa papel lang ang pagbuti ng ekonomiya kundi dapat nararamdaman ito ng bawat pamilya.
Batay sa latest income assessment ng World Bank, iniulat nito ang pagtaas ng gross national income per capita ng Pilipinas. (DDC)
