Scam Hub sinalakay sa Parañaque; 5 dayuhan arestado
Natimbog ng mga tauhan ng Bureau of Immigration ang limang dayuhan sa sinalakay na scam hub sa Parañaque City.
Ikinasa ang operasyon sa isang condominium complex sa Sapphire Seaview Park matapos makatanggap ng intelligence report tungkol sa operasyon ng “love scam”.
Kabilang sa nadakip ang isang Chinese, isang Malaysian, at tatlong Burmese nationals.
Lahat ng dayuhan ay nakitaan ng paglabag sa Philippine immigration laws.
Dinala sa BI main office ang lima para sa processing at documentation at inilipat kalaunan sa holding facility ng BI habang hinihintay ang deportation. (DDC)
