PBBM may birthday wish para kay US Pres. Donald Trump
Binati ni Pangulong Ferdinand Marcos Jr. si U.S. President Donald Trump sa pagdiriwang nito ng kaniyang Kaarawan.
Sa kaniyang mensahe, sinabi ni Pangulong Marcos na wish niya ngayong birthday ni Trump ang good health, happiness at patuloy na tagumpay.
Ayon kay Pangulong Marcos, sa ilalim ng liderato ni Trump ay patuloy na nahuhubog ang direksyon ng Estados Unidos.
Binanggit din ni Marcos ang impluwensya ni Trump sa mga development at diskusyon sa iba’t ibang isyu na kinakaharap ngayon ng international community.
Sa huli sinabi ng pangulo na patuloy sanang bumuti at tumibay ang pagkakaibigan ng Pilipinas at Estados Unidos sa mga susunod pang mga taon. (DDC)
