Dating DPWH Sec. Bonoan ibabalik sa PNP Hospital

Natanggap na ng Philippine National Police ang desisyon ng Sandiganbayan kung saan inaprubahan ang hirit na hospital arrest ni dating Department of Public Works and Highways Secretary Manuel Bonoan.

Ayon kay PNP chief Police General Jose Melencio Nartatez Jr. kasalukuyang nasa isang pribadong ospital ngayon si Bonoan kung saan ito sumailalim sa serye ng diagnostic procedures.

Pero ayon kay Nartatez, kapag mayroon nang clearance mula sa kaniyang attending physician ay ililipat na muli ang dating kalihim sa PNP General Hospital.

Tiniyak naman ng PNP chief na may kakayahan ang PNP Hospital na pagkalooban si Bonoan ng specialized medical monitoring at custodial care.

Dagdag pa ni Nartatez, ipinatutupad ng PNP ang utos ng Sandiganbayan at naglatag ito ng sapat na seguridad ay custodial measures kay Bonoan. (DDC)