Mga pamilyang nasunugan sa Parola tumanggap ng P10K mula DSWD

Inumpisahan na ng DSWD ang pamamahagi ng tulong-pinansyal sa mga pamilyang naapektuhan ng sunog sa Parola Compound, Binondo Maynila.

Ayon sa DSWD, aabot sa 2,134 na pamilya ang pagkakalooban ng 10,000 pesos na tulong pinansyal sa ilalim ng AICS Program ng ahensya.

Layunin nitong matulungan sila sa mga agarang pangangailangan habang sila ay nanatili sa Evacuation Center.
Ayon sa ahensya, isinagawa ang payout sa pakikipagtulungan sa pamahalaang lungsod ng Maynila at iba pang katuwang na ahensya.

Maliban sa financial assistance, namahagi din ang DSWD ng sleeping kits, ready-to-eat food boxes, kitchen kits at hygiene kits sa mga nasunugan. (DDC)