Pulis nanulak ng rider sa Pasig iniimbestigahan na

Kinumpirma ng Quezon City Police District na tauhan nila ang sangkot sa viral video sa insidenteng nangyari sa Pasig City noong May 12.

Sa video na kumakalat sa social media, makikita ang pagtulak ng pulis sa isang motorcycle rider dahilan para sumemplang ito.

Ayon sa pahayag ng QCPD, sumasailalim na ngayon sa imbestigasyon ang sangkot na QCPD personnel.

Pinagsusumite na din ito ng paliwanag sa nangyari.

Tiniyak ng QCPD na ang imbestigasyon ay nakabatay sa mga batas, polisiya at standards na pinaiiral ng PNP sa conduct at disiplina ng kanilang mga tauhan.

At kung makikitaan ng sapat na ebidensya ay sasampahan ng kasong administratibo at kriminal ang sangkot na pulis. (DDC)