1,180 png PDLs pinalaya ng BuCor
Pinalaya ng Bureau of Corrections (BuCor) ang 1,180 pang Persons Deprived of Liberty (PDLs) magmula Marso 29 hanggang Mayo 12, 2026.
Ayon sa datos ng BuCor umabot sa 3,666 na PDLs ang pinalaya sa loob ng unang limang buwan ngayong 2026 at 31,619 PDLs ang kabuuang lumaya na sa ilalim ng administrasyong Marcos.
Sa ginanap na seremonya sa Bucor Headquarters sa Muntinlupa City, ibinunyag ni Bucor Director General Gregorio Pio P. Catapang Jr. Ang layunin ng ahensiya na palayain ang halos 10,000 PDLs kada taon para sa natitirang dalawang taon ng kasalukuyang administrasyon.
Inihayag pa ni Catapang na nakipag-usap na siya kay Atty. Sergio R. Calizo, Jr., Chairman of the Board ng Pardons and Parole (BPP), kung saan ipinanawagan nito ang modernisasyon ng case review process para sa PDLs na nagsilbi na ng kanilang minimum na sentensiya.
Kaugnay nito, plano ng BuCor na maglagay ng server sa BPP na nagpapahintulot ng instant access sa carpeta — ang inmate case folders na napakahalaga para sa pamamahala sa mga hatol at pagtukoy ng release eligibility para tumulong na mapabilis ang mga pagrebyu at pagtiyak na napapanahon ang paglaya ng kuwalipikadong PDLs.
“Beyond administrative improvements, Bucor is actively promoting faith-based rehabilitation as a crucial element of restorative rehabilitation,” ani Catapang.
Binigyang-diin nito ang ispirituwal na ugnayan na makatutulong na mabawasan ang karahasan sa loob ng correctional facilities at suportahan agad ang paglaya ng karapat-dapat na inmates.
Umaasa rin ang opisyal na ang BuCor ay maninindigan sa ipinagmamalaking legasiya ni Pangulong Marcos hindi lamang sa Pilipinas kundi sa mundo, bilang institusyon na may katungkulang magbigay ng pangalawang pagkakataon.
“If there is no forever, at least there is a second chance to return to society, reunite with family, and contribute to the government,” sabi ni Catapang.
Binanggit muli ni Justice Secretary Fredderick Vida ang ganitong mga sentimiyento, at nanawagan sa pagpapalaya ng PDLs na tumutuon sa pag-asang kinabukasan kaysa sa nakalipas na pagkakamali.Hinikayat din nito ang mga ito na maghanap ng magandang rason sa bawat araw at tiniyak muli ang kanyang suporta para sa faith-based rehabilitation,kung saan aniya ang mga hamon na hindi kaya ng lakas ng katawan ay kayang-kaya sa pamamagitan ng dalisay na pananampalataya. “What man cannot do, the Lord can do. Always keep the faith.”
Pinaalalahanan ni Secretary Vida ang mga dating inmates na ang tunay na lakas ay nananalaytay ay hindi babagsak ngunit tataas pa ito sa panahon ng pagkalugmok.
Dumalo sa culminating activity sina Justice Assistant Secretary Francis John Trajano, Regional Officer In- Charge ng Parole and Pardon Administration, Atty. Janette Padua, Atty. Nazario Bacorro Jr. at Atty. Demetrio Yu, kapwa kinatawan ng Public Attorney’s Office, at DOLE-NCR MUNTAPARLAS Field Office OIC-Director Jeremiah T. Carlos. (Bhelle Gamboa)
