2 illegal recruiter hinatulan ng habambuhay na kulong

Naka-iskor sa korte ang Department of Migrant Workers matapos mahatulang guilty sa kasong illegal recruitment ang dalawang recruiter sa Camarines Norte.

Ayon sa DMW, habangbuhay na pagkakakulong ang sentensya ng Daet, Camarines Norte RTC laban kina Praxedes Orpiana at Jinky Aglibot na nag-recruit sa isang Pinay patungong Syria, kahit may umiiral na deployment ban.

Pinagbabayad din ang dalawang recruiter ng five million pesos.

Batay sa rekord ng kaso, pinangakuan ng dalawang recruiter ang biktima ng trabaho sa bansang Dubai bilang domestic helper pero sa Syria ito napunta.

Sa nasabing bansa ay pinapirma siya sa kontrata para magsilbing domestic worker sa bahay ng isang pamilya na ang sahod ay 150 US dollars lamang. (DDC)