Libreng pangkabuhayan para sa LPCMTC graduates

Isang masayang pagtitipon ang isinagawa sa Las Piñas City Manpower and Training Center (LPCMTC) para sa awarding ng tools and equipment na gagamitin ng mga nagsipagtapos ng iba’t ibang skills training programs.

Pinangunahan ni Engr. Noel Cuevas, Head ng Manpower Training Center ang pangangasiwa at paghahanda sa programa.

Pinagkalooban ng kagamitan ang mga benepisyaryong nagtapos sa Automotive Servicing, Electrical Installation & Maintenance, Motorcycle Small Engine, Refrigeration and Airconditioning, SMAW Welding, Food & Beverage, Bread & Pastry Production, Cookery, Massage Therapy, at Hairdressing upang mas mapadali ang kanilang pagsisimula ng kabuhayan gamit ang kanilang natutunang kasanayan.

Dumalo sa programa sina Mayor April Aguilar at Congressman Mark Anthony Santos, na nagpaabot ng suporta sa mga benepisyaryo at sa patuloy na pagpapalakas ng mga training initiatives ng lungsod.

Sa pamamagitan ng inisyatibang ito mula sa lokal na pamahalaan, mas marami pang graduates mula LPCMTC ang magkakaroon ng pagkakataon na makapagsimula ng hanapbuhay o maliit na negosyo gamit ang kanilang technical-vocational skills. (Bhelle Gamboa)