Labi ng 6 na OFWs mula Kuwait naiuwi na sa bansa

Dumating sa NAIA Terminal 1 ang labi ng anim na Overseas Filipino Workers na nasawi sa Kuwait dahil sa natural causes.

Ayon sa Department of Migrant Workers, ang labi ng mga OFW ay dumating sa bansa matapos maisakay sa isang commercial flight mula Kuwait International Airport.

Naantala ang pag-uwi sa mga labi dahil sa krisis sa Middle East na nagdulot ng pagkabalam sa operasyon ng Paliparan sa Kuwait.

Kabilang sa naiuwi ang labi ng isang limang taong gulang na batang lalaki na nasawi sa aksidente sa nasabing bansa.

Tiniyak naman ng DMW ang pagkakaloob ng tulong legal at pagpapagamot sa magulang ng nasabing bata na pareho ding OFW at kapwa din nasugatan sa aksidente. (DDC)