153 pang Pinoy galing Bahrain nakauwi na ng bansa
Ligtas na nakabalik sa bansa ang one hundred fifty-three pang Pinoy na galing Bahrain lulan ng Gulf Air Flight GF-154.
Pagdating sa NAIA Terminal 3 sinalubong at inasikaso sila ng mga kinatawan mula sa iba’t ibang ahensya ng pamahalaan.
Ito ay upang matiyak na maibibigay ang kanilang pangangailangan kabilang ang tulong sa transportasyon, pansamantalang matutuluyan kung kinakailangan, at iba pang support services.
Tiniyak naman ng OWWA at DMW na patuloy ang pagproseso sa repatriation ng mga Pinoy na nagnanais na umuwi sa bansa dahil sa epekto ng tensyon sa Gitnang Silangan. (DDC)
