Puslit na yosi ibinebenta sa San Juan at Marikina, nakumpiska

Aabot sa halos kalahating milyon pisong halaga ng puslit na yosi ang nakumpiska ng mga otoridad sa sinalakay na mga tindahan sa San Juan at Marikina.

Ayon sa Eastern Police District, sa magkahiwalay na operasyon sa Barangay Dela Peña at Marikina Heights nakumpiska ang mahigit P440,000 na halaga ng smuggled na sigarilyo sa mga sinalakay na Sari-Sari Store.

Sa isa pang Sari-Sari Store sa Barangay Salapan sa San Juan, nakumpiska din ang mga puslit na yosi na nagkakahalaga ng mahigit P23,000.

Ayon sa EPD, ang mga kinumpiskang produkto ay walang excise tax stamps at hindi nagtataglay ng graphic health warning na paglabag sa Graphic Health Warning Act at Customs Modernization and Tariff Act. (DDC)