Dayuhang sangkot sa investment scam timbog sa NAIA
Isang Korean national na wanted sa kasong fraud sa kanilang bansa ang naharang ng Bureau of Immigration sa NAIA Terminal 3.
Ayon kay Immigration Commissioner Joel Anthony Viado, ang suspek na si Kim Kwangsin, kwarenta’y tres anyos ay paalis sana ng bansa patungong Taipei nang harangin siya ng primary inspection officers.
Ito ay matapos lumitaw sa record ng BI na subject ang dayuhan ng Interpol Red Notice.
Ayon sa BI, simula Enero ay nasa bansa na si Kim.
Bahagi umano ito ng sindikato na nag-operate sa Cambodia at nagpapanggap siyang stock investment manager para makapang-biktima.
Dinala sa BI Holding Facility ang dayuhan at sasailalim ito sa deportation proceedings. (Dona Dominguez-Cargullo)
