241 SHS grad hired-on-the-spot sa Job Fair ng DepEd

Umabot sa two hundred forty-one na Senior High School Technical-Vocational-Livelihood graduates at Alternative Learning System learners ang hired-on-the-spot sa isinagawang Bagong Pilipinas Serbisyo Fair sa Sorsogon, Cebu, at Davao del Norte.

Ayon kay Education Secretary Sonny Angara, ang programang ito ay layong mapabilis ang pagpasok ng mga SHS-TVL learners sa labor market.

Umabot sa halos dalawang libong jobseekers ang nagtungo sa venue job fair sa Gallanosa National High School, Casiguran Technical Vocational School, at Bulan National High School sa Sorsogon; Talisay City National High School; at sa Panabo City Gym.

Ang mga aplikante ay nakakuha din ng libreng employment requirements gaya ng PSA birth certificate, NBI clearance at police clearance.

Nagbigay din ng tulong ang PhilHealth para sa mga nangangailangan ng medical certificates at nagkaroon din ng Civil Service exam registration.