Ayuda sa mga tsuper ng iba pang PUV tatapusin hanggang Holy Week

Matapos iutos ni Pangulong Ferdinand Marcos Jr ang pagsuspinde sa taas-singil sa pamasahe, tiniyak ng Department of Social Welfare and Development na mamadaliin ang proseso para maikasa na ang cash assistance sa iba pang mga tsuper.

Ayon kay DSWD Secretary Rex Gatchalian, target ng ahensya na matapos ang payout sa lahat ng PUV drivers sa Metro Manila hanggang Holy Week.

Gaya ng sa mga tricycle driver, sinabi ni Gatchalian na driver’s license at prangkisa lamang ang requirements para maging benepisyaryo ng cash assistance.

Ang listahan ng mga kwalipikadong PUV drivers ay isusumite ng Land Transportation Franchising and Regulatory Board sa DSWD. (DDC)