Cash relief assistance para sa TODA sa Las Piñas umarangkada
Sinimulan ngayong Martes ang pamimigay ng P5,000 cash payout ng AICS program para sa unang batch ng tricycle drivers sa Las Piñas City na isinagawa sa Aguilar Sports Complex
Ito ay bahagi ng suporta ni Pangulong Ferdinand “Bongbong” Marcos Jr. upang matulungan ang mga tsuper na makayanan ang patuloy na pagtaas ng presyo ng langis dahil sa tensyon sa Middle East.
Nagtutulungan ang Department of Social Welfare and Development (DSWD), City Social Welfare and Development Office (CSWDO), at iba pang tanggapan ng pamahalaang lungsod upang masiguro ang maayos at mapayapang pamamahagi ng tulong sa mga benepisyaryo.
Sa unang araw ng payout, halos 2,000 drivers mula sa mga TODA groups na ACAPODA, APHDA, ATODA, BFLTSODA, BFRSSCV, BFRV-VG, CCTODA, CEBMTODA at BFATODA ang nabigyan ng cash assistance.
Magpapatuloy ang payout sa susunod pang mga araw upang mabigyan ang lahat ng rehistradong miyembro ng TODA.
Buo ang suporta ng Pamahalaang Lungsod ng Las Piñas sa mga programang makakatulong sa pagpapagaan ng pang-araw-araw na kabuhayan ng mga Las Piñero. (Bhelle Gamboa)
