Bahay sa Germany kung saan nananatili si Dr. Jose Rizal binili ni Cong. Leandro Leviste

Binili ni Batangas Representative Leandro Leviste ang bahay sa Germany na tinuluyan ni Dr. Jose Rizal noong 1886.

Sa bahay na ito sa Wilhelmsfeld, Germany isinulat noon ni Rizal ang mga huling kabanata ng Noli Me Tangere.

Sa nasabing bahay din isinulat ni Rizal ang tulang “A las flores de Heidelberg”, na nagpapahayag ng kanyang paggunita sa Pilipinas habang siya ay nag-aaral sa Germany.

Ang nasabing bahay ay ginamit na tirahan ng mga pastor sa nasabing lugar pero simula noong matapos ang COVID-19 pandemic ay hindi na ito nagamit.

Para ma-preserba ang kasaysayan ng bahay, nagpasya si Leviste na bilhin ito at gawing museo. (DDC)