Pinakamababang temperatura sa Metro Manila naitala sa PAGASA

Maraming lugar sa bansa ang nakapagtala ng malamig na panahon umaga ng Linggo, March 15.

Ayon sa datos mula sa PAGASA, bumagsak sa 17.1 degrees Celsius ang temperatura sa PAGASA Science Garden.

Pinakamababang temperatura ito sa Metro Manila ngayong taon.

Samantala sa Baguio City, bumagsak sa 9.4 degrees Celsius ang temperatura.

Marami ding iba pang lugar sa bansa ang nakapagtala ng mas mababa sa 19 degrees Celsius na temperatura umaga ng Linggo.

Kabilang dito ang Malaybalay, Bukidnon; San Ildefonso, Bulacan; Tanay, Rizal; Casiguran, Aurora; Basco, Batanes; Abucay, Bataan; Tuguegarao City, Cagayan; at Laoag City, Ilocos Norte. (DDC)