CICC nagpaalala sa mga hindi rehistadong Online Lending Platforms
Patuloy ang paalala ng Cybercrime Investigation and Coordinating Center sa publiko laban sa mga hindi rehistradong Online Lending Platforms.
Delikado at posibleng mabiktima sila ng scam kapag nakipagtransaksyon sa mga lending platforms na hindi rehistrado sa Securities and Exchange Commission.
Ang listahan ng mga hindi rehistradong Online Lending Platforms ay makikita sa Facebook page ng SEC na palagian ding ina-update.
Paalala ng CICC, dapat ituring na red flag kapag masyadong mabilis ang approval, kaunti lamang ang hinihinging requirements, mataas ang interest rate at agresibo o nangha-harass kapag naniningil na.
Sinabi ng CICC na dapat pagdudahan na agad ang mga too-good-to-be-true na alok. (DDC)
