Mga tanggapan ng CSC magpapatupad na ng 4-day workweek simula Lunes
Simula sa Lunes, March 16 ay ipatutupad na din ang Compressed Workweek Arrangement sa Civil Service Commission.
Ayon sa CSC, Lunes hanggang Huwebes na lamang ang pasok sa kanilang mga tanggapan kabilang ang Central Office, Regional, at Field Offices.
Bukas ang mga opisina ng CSC mula alas syete ng umaga hanggang alas syete ng gabi.
Habang wala namang pasok kapag araw ng Biyernes, Sabado at Linggo.
Bahagi pa rin ito ng mga hakbang na ipinatutupad sa mga ahensya ng gobyerno para makatipid sa konsumo ng enerhiya. (DDC)
