Pagpapalawak sa Anilao Port target sa susunod na taon
Nag-inspeksyon sina Transportation Secretary Banoy Lopez at Philippine Ports Authority General Manager Jay Santiago sa Anilao Port sa Mabini, Batangas.
Kasunod ito ng utos ni Pangulong Ferdinand Marcos Jr. na tingnan ang kalagayan ng mga pantalan at tiyaking naisusulong ang modernisasyon ng mga ito.
Tiniyak ni Secretary Lopez na tututukan ng Department of Transportation at ng PPA ang panukalang 170 million pesos na halaga ng expansion sa Anilao port sa susunod na taon.
Ito ay para makatulong din sa mga mangingisda, maliliit na negosyo at turismo sa lugar.
Sikat na dive spot ang Anilao na dinarayo ng mga turista kaya ayon kay Lopez, dapat agad na maisaayos ang pantalan. (DDC)
