Listahan ng pangalan ng mga tsuper ng PUVs ipinasusumite na sa LTFRB

Inabisuhan na ng Land Transportation Franchising and Regulatory Board ang mga PUV operator na isumite na ang listahan ng mga pangalan ng mga driver na kabilang sa kanilang prangkisa.

Ayon kay LTFRB chairman Vigor Mendoza II ito ay para mapabilis ang paghahanda at implementasyon ng Fuel Subsidy Program.

Isusumite ang listahan ng pangalan ng mga driver sa pinakamalapit na Regional Franchising and Regulatory Office sa kanilang lugar.

Nais masiguro ng LTFRB na hindi lamang ang mga operator kundi pati ang mga tsuper na direktang apektado ng pagtaas ng presyo ng langis ay makatatanggap ng nararapat na tulong mula sa gobyerno.

Sa ilalim ng Fuel Subsidy Program ng LTFRB, nakatatanggap ng tulong ang mga operator at tsuper ng mga pampublikong sasakyan. (DDC)