Isa nasawi sa tumaob na barko sa Cebu

Isa ang naitalang nasawi sa pagtaob ng ng isang barko na nakadaong sa APO Cement Port, Naga City, Cebu.

Ayon sa Philippine Coast Guard, isang cement handler ang tinamaan ng mooring line ng barko na kumalas at bumagsak nang tumaob ang MV Theresa I.

Isinugod pa sa Vicente Mendiola Center ang biktima pero idineklara itong dead on arrival.

Samantala, nailigtas naman ang engine crew ng naturang barko na na-trap sa loob ng engine room.

Nagsasagawa ng loading operations ang MV Theresa One nang magkaproblema ang barko at kalaunan ay tumaob.

Naglatag na ng oil spill boom ang Coast Guard at patuloy ang pagbabantay sa anumang senyales ng oil spill. (DDC)