Halos P50M na halaga ng shabu nakumpiska sa Tawi-Tawi

Timbog ang dalawang kelot na parehong itinuturing na high-value target sa ikinasang buy-bust operation ng mga otoritad sa SIbuto, Tawi-Tawi.

Ikinasa ang operasyon ng mga tauhan ng Philippine Drug Enforcement Agency Regional Office BARMM at Tawi-Tawi Provincial Office.

Nakumpiska sa mga suspek na sina alyas Alvin at alyas Ben ang pitong libong gramo ng tobats na itinago sa pitong golden-yellow tea bags at tinatayang aabot sa mahigit 47.6 million pesos ang halaga.

Nakuha din sa kanila ang buy-bust money, isang maliit na bag at ang cellphone na ginamit para sa transaksyon.

Inihahanda na ang pagsasampa ng kasong paglabag sa Republic Act Number 9165 o Comprehensive Dangerous Drugs Act of 2002 laban sa dalawa. (DDC)