P15.6M na halaga ng pekeng tsinelas nasabat ng NBI sa Pasay

Libo-libong pekeng mga tsinelas ang nakumpiska ng National Bureau of Investigation sa serye ng operasyon na ikinasa sa Pasay City.

Ayon sa NBI, isinilbi ang search warrants sa mga tindahan matapos matuklasan ang ilegal na pagbebenta ng mga ito ng counterfeit na tsinelas.

Sinabi ng NBI na nakumpiska sa operasyon ang kabuuang thirteen thousand fifty-eight na pares ng tsinelas na may iba-ibang sizes at disenyo at ginamitan ng trademark ng isang popular na brand.

Inihahanda na ng NBI ang pagsasampa ng reklamong paglabag sa Republic Act Number 8293 o Intellectual Property Code of the Philippines laban sa mga may-ari ng sinalakay na tindahan. (DDC)