20 pang Pinoy nailikas sa Israel
Ligtas na nakalabas ng Israel ang dalawampung Pinoy at nakatawid na sa Taba Border Crossing patungong Egypt.
Ayon sa Philippine Embassy sa Israel, naisagawa ang paglilikas sa mga Pinoy sa pakikipagtulungan sa embahada ng Pilipinas sa Cairo.
Sa dalawampung inilikas na Pinoy, labinganim ay pawang overseas Filipino workers.
Mula Egypt ay kukuhanan sila ng flight para makauwi na ng Pilipinas.
Sa kabuuan sinabi ng embahada na umabot na sa tatlumpu’t siyam na Pinoy ang nailikas sa Israel na ang iba ay mga na-stranded na turista, pilgrims, at estudyante. (DDC)
