Sabwatan ng PH Gov’t. at ICC para maaresto si FPRRD pinasisiyasat sa senado

Inihirit ni Senator Imee Marcos ang pagsasagawa ng imbestigasyon sa umano ay koordinasyon ng gobyerno ng Pilipinas at ng ICC para maaresto si dating Pangulong Rodrigo Duterte noong nakaraang taon.

Sa inihaing resolusyon, nais ni Senator Marcos na maimbestigahan ang pakikipagtulungan ng mga otoridad ng Pilipinas sa ICC kahit hindi na kasapi ang bansa ng Rome Statute mula pa noong 2019.

Ayon sa senadora ang nangyaring pag-aresto sa dating pangulo ay paglapastangan sa karapatan ng kapwa Pilipino.

Dagdag pa ni Senator Marcos, hindi nagtutugma ang kwento ng pamahalaan at halatang may pinagtatakpan.

Binanggit ni Marcos ang pahayag ng labingwalong nagpakilalang mga dating sundalo kung saan ilang opisyal ng gobyerno ang nakipagpulong umano sa mga ICC investigator. (DDC)