Pag-abuso sa priority lane sa LRT-1 iniimbestigahan na
Nagsasagawa na ng imbestigasyon ang Light Rail Manila Corporation o LRMC matapos ang viral social media post sa maling paggamit sa priority lane sa LRT-1 monumento Station.
Ayon sa pahayag ng LRMC, batay sa video, isang nagpanggap na mayroong mobility impairment ang pumila sa priority lane para makaiwas sa mahabang pila sa pagbili ng ticket.
Sinabi ng LRMC na nagsasagawa sila ng imbestigasyon sa insidente.
Pinaalalahanan din nito ang mga commuter na ang priority lanes ay para lamang sa senior citizens, PWDs, buntis at mga may kasamang bata.
Samantala, mariin ding kinondena ng Light Rail Transit Authority ang insidente. (DDC)
