Socmed ng 4 na influencers binura ng META dahil sa pag-endorso ng online gambling

Inanunsyo ng Cybercrime Investigation and Coordinating Center ang pag-take down ng META sa social media pages ng apat na prominenteng influencers na nagpo-promote ng illegal online gambling.

Isang linggo matapos i-report ng CICC sa META ang mga Facebook page pinatawan na ng permanenteng deactivation ang sumusunod na pages:

Perkz Gaming na mayroong 1.1 million Followers
Vic Desucatan na mayroong 6.9M Followers
Awit Gamer na mayroong 450,000 Followers
At ang Miss Ginbilog na mayroong 6.8M Followers

Tiniyak ng CICC na patuloy ang pagbabantay nito at paghahabol sa mga social media influencers na nagpo-promote ng ilegal na online sugal.

Sa ngayon sinabi ng CICC na marami pang social media personalities at content creators na nasa kanilang listahan na pawang nakitaan ng paglabag. (DDC)