Presyo ng gasolina papalo sa P80/L sa susunod na Linggo – DOE
Hindi malayong umabot sa eighty pesos kada litro ang presyo ng gasolina sa susunod na linggo kapag nagpatuloy pa ang tensyon sa Gitnang Silangan.
Sa pagdinig sa Senado sinabi ni DOE Oil Industry Management Bureau Director Rino Abad na bago magsimula ang gulo sa Middle East, nasa fifty-four pesos per liter na ang presyo ng gasolina, habang nasa sixty pesos per liter naman ang diesel.
Dahil dito sinabi ni Abad na hindi malayong umabot sa eighty pesos ang presyuhan ng gasolina sa susunod na linggo.
Una nang sinabi ng DOE na hiniling na nila sa mga kumpanya ng langis na huwag gawing isang bagsakan ang pagpapatupad ng dagdag-presyo at sa halip ay gawin na lamang itong utay-utay. (DDC)
