End-of-School-Year Rites idaraos sa March 30 to 31 ayon sa DepEd
Inilatag ng Department of Education ang guidelines para sa pagdaraos ng End-of-School-Year-Rites para sa Academic Year 2025-2026.
Sa memorandum ng DepEd, ang lahat ng aktibidad sa pagtatapos ng mga mag-aaral sa Grade 6, Grade 10 at Grade 12 ay idaraos sa March 30 o March 31.
Ang tema ng pagtatapos ngayong taon ay “Pilipinong Nagsipagtapos: Handang Mamuno nang May Kakayahan at Mabuting Pagkatao”.
Paalala ng DepEd, ang mga graduation at moving-up ceremony ay dapat gawing simple lamang pero makabuluhan.
Sa mga public schools, walang dapat na singilin o kolektahing kontribusyon sa mga estudyante para sa idaraos na mga seremonya.
Pinayuhan din ng DepEd ang mga paaralan na gawin ang seremonya sa indoor venues na may peoper ventilation o kaya ay sa covered courts para hindi malantad sa matinding init ng panahon ang mga mag-aaral, guro at guests. (DDC)
