12 Korean Nationals timbog sa scam hub sa Pampanga

Arestado ang labingdalawang Korean Nationals matapos salakayin ng mga otoridad ang hinihinalang scam hub sa Angeles City, Pampanga.

Ayon sa Bureau of Immigration, target ng operasyon ang trenta’y tres anyos na si Yu Jaemin pero nang pasukin ang opisina nito ay nadatnan ang labingisa pang Korean.

Ikinasa ng BI ang operasyon dahil sa impormasyon na si Yu ay sangkot sa operasyon ng scam hub na nambibiktima sa mga kapwa niya rin Koreyano.

Nadatnan sa opisina ni Yu ang mga kasamahan nito na may kani-kaniyang work areas at sangkot sa digital activities.

Sa rekord ng BI, tatlo sa mga dayuhan ay pawang pugante at may derogatory records, habang ang iba pa ay pawang overstaying sa bansa.

Sasailalim ang mga naarestong dayuhan sa deportation proceedings ng BI. (DDC)