4-day work week ipatutupad sa sangay ng ehekutibo
Inanunsyo ni Pangulong Ferdinand Marcos Jr. ang pagpapatupad ng 4-day work week sa Executive Branch simula sa March 9.
Sa kaniyang video message sinabi ng pangulo na bahagi ito ng pagtitipid ng pamahalaan sa paggamit ng enerhiya dahil na din sa tensyon sa Gitnang Silangan.
Iniutos din ni Pangulong Marcos ang pagbabawas ng ten to twenty percent ng konsumo sa kuryente at sa produktong petrolyo sa mga tanggapan ng obyerno.
Hindi kasama sa kautusan ang mga nagbibigay ng emergency o pangunahing serbisyo katulad ng PNP at BFP, gayundin ang mga tanggapan na nasa frontline services.
Bawal din muna ang mga pagbiyahe at aktibidad na gaya ng study tour, team building o mga meeting na kaya namang gawin online. (DDC)
