Mapagsamantalang oil companies pinaiimbestigahan ng MANIBELA

Nanawagan sa gobyerno ang transport group na MANIBELA na bantayan ang mga kumpanya ng langis na ngayon pa lamang ay nananamantala na sa presyo ng produktong petrolyo.

Sa post sa kanilang Social Media page, ibinahagi ng MANIBELA ang larawan na kuha sa isang gasoline station sa Paso de Blas sa Valenzuela City.

Ayon sa grupo, sa nasabing gasolinahan, pumalo na sa ninety pesos ang presyo ng kada litro ng diesel.

Habang nasa seventy-five pesos hanggang seventy-eight pesos naman ang presyo ng kada litro ng gasolina.

Malinaw ayon sa MANIBELA na pananamantala ito dahil kung tutuusin ang mga ibinebentang oil products ng mga kumpanya ay stocks pa nila.

Partikular na nanawagan ang grupo sa Department of Energy na aksyunan ang mga mapagsamantalang kumpanya ng langis. (DDC)