GCash hindi maniningil ng transaction fees sa mga OFWs sa Middle East

Dahil sa nagpapatuloy na tensYon sa Gitnang Silangan nagpasya ang GCash na i-waive ang paniningil ng transaction fees sa mga Overseas Filipino Workers na nasa Middle East.

Ayon sa pahayag ng GCash, aplikable ito sa mga OFW na nasa UAE, Qatar, Bahrain, Kuwait, Saudi Arabia at Oman.

Kabilang sa ililibre na sa transaction fees ang bank transfers, bill payments, at mobile load purchases.

Mababawas muna ng fee kapag nag-transact at pagkatapos ay make-credit din agad sa pamamagitan ng in-app cashback.

Halimbawa, ang mga transaksyon sa pagitan ng March 4 to 10, ang cashback ay make-credit sa March 20. (DDC)