CHR dismayado sa bastos na komento ni Cong. Suntay kay Anne Curtis

Kinondena ng Commission on Human Rights si Quezon City Representative Bong Suntay sa sexist remarks nito sa aktres na si Anne Curtis.

Sa pahayag ng CHR, maituturing na public sexual objectification ang pahayag ni Suntay.

Bilang isa sa pinakamataas na democratic institutions sa bansa sinabi ng CHR na dapat na magsilbing magandang halimbawa ang Kamara sa pagpapakita ng respeto sa kababaihan.

Panawagan ng CHR sa mga opisyal ng pamahalaan, palaging isaalang-alang ang respeto, responsibilidad at pagiging patas sa kanilang mga pahayag. (DDC)