Pagpili sa susunod na BFP chief magiging mabusisi

Dadaan sa butas ng karayom ang gagawing screening sa magiging susunod na pinuno ng Bureau of Fire Protection.

Kasunod ito ng katiwalian na kinasangkutan ng BFP na nagbunsod para masampahan ng reklamo si BFP Director Jesus Fernandez.

Ayon kay DILG Secretary Jonvic Remulla, sa pagpili ng magiging bagong BFP chief, ang mga kandidato ay sasailalim sa mabusising screening kabilang ang pagsasagawa ng multiple rounds ng panayam.

Bubusisiin din ang kanilang financial records, performance history, at track record.

Kinumpirma naman ni Remulla na ongoing na ang selection process para makapili ng ipapalit kay Fernandez.

Una nang sinabi ni Remulla na nakatakda nang ilabas ang preventive suspension laban kay Fernandez habang sumulat na din siya sa Office of the President para hilinging sibakin ito sa pwesto. (DDC)