Drug den nabuwag, 2 HVIs arestado sa Makati City
Nabuwag ng Makati City Police Station ang isang umano’y drug den at naaresto ang dalawang High-Value Individuals (HVIs) sa ikinasang buy-bust operation sa J.B. Roxas Street, Barangay Olympia sa nasabing lungsod.
Kinilala ni Makati CPS Chief Col Pedro Alagano Jr. ang mga nadakip na suspek na sina alyas “Henry,” 63-anyos, welder, at alyas “Mac Mac,”33-anyos, tricycle driver.
Sa gitna ng operasyon, nakumpiska ng otoridad ang tinatayang 56 na gramo ng umano’y shabu na nagkakahalaga ng P380,800.00, sling bag, cellphobne at buy-bust monetly.
Sasailalim sa inquest proceedings sa Makati City Prosecutor’s Office ang dalawang suspek para sa kasong paglabag sa Republic Act 9165 o mas kilala sa tawag na Comprehensive Dangerous Drugs Act of 2002.
Pinuri ni BGen Randy Y. Arceo, District Director ng Southern Police District ang operatiba ng Makati CPS sa kanilang dedikasyon at paninindigan sa maigting na kampanya kontra ilegal na droga.
“The arrest of these high-value targets is a testament to our relentless pursuit of those who threaten the safety of our neighborhoods. We will continue to intensify our operations until our communities are free from the scourge of illegal drugs,” sabi ni BGen Arceo. (Bhelle Gamboa)
