EDCA sites sa Pinas hindi maituturing na US military bases

Nilinaw ng National Security Council na ang mga EDCA sites sa bansa ay hindi US military bases kundi Philippine military bases.

Ayon kay National Security Adviser Secretary Eduardo Año, ang mga EDCA sites ay pag-aari ng Pilipinas at nasa ilalim ng pamamahala ng Armed Forces of the Philippines.

Sa ilalim ng EDCA, pinapayagan lamang ang US na magkaroon ng access sa mga Philippine military bases kapag mayroong joint training, interoperability, humanitarian assistance and disaster response, at capability development ang dalawang bansa.

Ibig sabihin ayon kay Año, ang presensya ng mga sundalo ng US sa EDCA sites ay hindi permanente.

Sinabi ni Año na ngayong mataas ang geopolitical tensions dapat sumentro lamang sa mga beripikadong impormasyon at hind isa mga spekulasyon.

Sa ngayon sinabi ng NSC na patuloy ang pag-monitor sa sitwasyon sa Middle East at batay sa intelligence assessments walang verified o credible na banta saanmang teritoryo ng bansa. (DDC)