DepEd may nakahandang programa sa mga guro na apektado ng gulo sa Middle East

Siniguro ng Department of Education na may babalikang trabaho ang mga guro na maaapektuhan ng gulo sa Gitnang Silangan.

Ayon kay Education Secretary Sonny Angara, sa ilalim g SPIMS Program o “Sa Pinas, Ikaw ang Ma’am at Sir Program”, ang mga licensed Filipino teacher na galing sa ibang bansa ay maaaring makabalik sa pagtuturo sa public schools.

Kabilang sa puwedeng mag-apply sa SPIMS Program ang mga sumusunod:

– LET passers
– May hindi bababa sa isang taong karanasan sa pagtuturo sa nakalipas na limang taon
– Hindi nanatilli sa Pilipinas sa nakalipas na tatlong taon
– at May Philippine Passport

Tiniyak ni Angara na bukas ang pintuan ng public schools para sa mga guro sa Middle East na magpapasyang umuwi na ng bansa. (DDC)